സാഹിത്യ സമിതി പ്രതിമാസ പരിപാടി-Sept-2012
30-09-12:- വായനക്കാരുടെ കൂട്ടായ്‌മയും, ചര്‍ച്ചയും
വിഷയം:- വര്‍ത്തമാന കാലഘട്ടത്തിലെ സാസ്‌കാരിക കൂട്ടായ്‌മയും
അവതരണം:- പുനൂര്‍ കരുണാകരന്‍
വര്‍ത്തമാനകാലഘട്ടത്തില്‍ കൃത്യമായ രീതിയില്‍ ആശയസംവാദങ്ങളോ , വിമര്‍ശനാത്മകമായ ചര്‍ച്ചകളോ, ഉള്ളുതുറന്ന അഭിപ്രായപ്രകടനങ്ങളോ നടക്കുന്നില്ല .നടക്കുന്ന ചര്‍ച്ചകളും പ്രവര്‍ത്തിച്ചുകൊണ്ടിരിക്കുന്നു എന്ന്‌ ധാരണ പരത്തുന്ന സാംസ്‌കാരിക കൂട്ടായ്‌മകളും ,എന്തല്ലാമോ നിക്ഷിപ്‌തതാല്‌പരങ്ങള്‍ സംരക്ഷിക്കുവാനും പരസ്‌പരം പഴിചാരുവാനുമായി നിലകൊള്ളുന്നു എന്നത്‌ വളരെ ദുഃഖകരമായ ഒരു സത്യമാണ്‌.പുതിയസാങ്കേതിക വിദ്യകള്‍ വന്നതോടുകൂടി ബ്ലോഗുകളിലൂടെയും മറ്റും ആശയപ്രകടനങ്ങളും , അഭിപ്രായങ്ങളും പ്രചരിപ്പിക്കപ്പെടുന്നുണ്ടെങ്കിലും അതിലുള്ള വലിയൊരു ന്യൂനത അവ വ്യക്തികളും യന്ത്രങ്ങളും തമ്മിലുള്ള സംവാദമായി മാറുന്നു എന്നതാണ്‌. ആളുകള്‍ പരസ്‌പരം മുഖത്തോട്‌ മുഖം നോക്കിയിരുന്ന്‌ (വളരെ പ്രസിദ്ധവും ഇന്ന്‌ ഗ്രൃഹാതുരത്വത്തോടെ പഴയകാല സാംസ്‌കാരിക പ്രവര്‍ത്തകര്‍ ഓര്‍ക്കുന്നതുമായ , കോലായ കൂട്ടായ്‌മകള്‍ പോലെ ) സംവദിക്കുന്ന രീതി നഷ്ടപ്പെടുകയും , മനുഷ്യന്‍ മനുഷ്യനോടു സംവദിക്കുന്നതിലൂടെ നേടുന്ന അറിവോ
,അനുഭൂതിയോ ലഭ്യമാകുന്നില്ലഎന്നതും പ്രസക്തമാണ്‌. കൂട്ടായ്‌മയില്‍ പങ്കെടുത്ത അംഗങ്ങളെല്ലാവരും തന്നെ വളരെ സജീവമായി ചര്‍ച്ചയില്‍ പങ്കെടുത്ത്‌ തങ്ങളുടെ അഭിപ്രായങ്ങള്‍ രേഖപ്പെടുത്തി.
ദേശപോഷിണി സാഹിത്യ സമിതി 